Aye Dil Hai Mushkil

Inspector: Kya naam hai tumhara? Ae.. kya naam hai tumhara?
Master   : Master
Inspector: Master? Kaam kya karte ho?
Master   : Kaam… cutting ka cutting ka
Inspector: Kaahe ki cutting?
Master   : Jyaadatar main coat aur patloon hi kaatata hoon; par agar paise ki jaroorat hui toh koi aur kapda bhi kaat deta hoon
Inspector: Hoon…. toh bombay times ke daftar main kya karne gaye the aap?
Master   : Inspector sahab.. pet aur bheja dono khaali hai… agar ek single chaai mil jaaye na toh kam se kam bheja chaalu ho jaayega
Inspector: Khaamosh… tera bheja main abhi chaalu karta hoon.
Master   : Namaste Shekhar Sahab. Achchha hua aap aa gaye.
Shekhar  : Arey Master tu yahan kya kar raha hai?
Inspector: Yahi toh hai naa woh aaadmi jo bombay times ke office main pakda gaya hai.
Master   : Shekhar Sahab aap toh mujhe achchhi tarah se jaante hain. Aap hi meri thodi madad keejiye. Yeh sahab nawaa hai kya? Apne ko pehchaanta hi nahi hai.
Shekhar  : Lekin tu bombay times ke daftar main kya karne gaya tha?
Master   : Kuchh karne gaya tha.. kar nahi paaya ki koi aur kuchh aur kar gaya.
Shekhar  : Kya bakte ho?
Master   : Bilkul sahi kehta hoon Shekhar sahab. Maine kuchh nahi kiya main bilkul bekasoor hoon. Dekhiye naa aap toh mujhe jaante hain na ki maine jindagi bhar kainchi chalaayi hai. coat patloon kaata hai galaa nahi.
Shekhar  : To tumne khooni ko dekha hai?
Master   : Baraabar dekha hai. Andar jaate dekha bahar nikalte dekha. Yeh badi badi aankhein jaise 100 100 ka bulb. Achchha taiyaar unchaa poora tha. Main toh dekhte hi kaanpne laga.
Shekhar  : Use pehchaan sakte ho?
Master   : Uske toh baap ko bhi pehchaan loon agar ek baar dekh loon bus
Shekhar  : Achchha jaao
Master   : Jaaun?
Shekhar  : Aur suno… yeh kainchi ka dhandhaa chhod do. Kahin aisa na ho ki yeh haath ki safaai tumhara safaaya kar de haaan.
Master   : Achchha namaste
Shekhar  : Namaste
Shekhar  : Khoon iske bas ki baat nahi. yeh toh maamooli jebkatraa hai. main ise jaanta hoon. Lekin kisi hawaldaar se kaho ispe nigaah rakhe.
Rafi:
Aye dil hai mushkil jeena yahan
Zara hat ke zara bach ke, yeh hai Bombay meri jaan
Ha haa, ha ho ho, ho hi haa ha haa
Hm hm hm hm, hm hm hm , hm hm hm hm hm
Aye dil hai..

(Kahin building kahin traame, kahin motor kahin mill
Milta hai yahan sab kuchh ik milta nahin dil) -2
Insaan ka nahin kahin naam-o-nishaan
Zara hat ke zara bach ke, yeh hai Bombay meri jaan
Aye dil hai..

(Kahin satta, kahin patta kahin chori kahin res
Kahin daaka, kahin phaaka kahin thokar kahin thes) -2
Bekaaro ke hain kai kaam yahan
Zara hat ke zara bach ke, yeh hai Bombay meri jaan
Aye dil hai..

(Beghar ko aawara yahan kehte has has
Khud kaate gale sabke kahe isko business) -2
Ik cheez ke hain kai naam yahan
Zara hat ke zara bach ke, yeh hai Bombay meri jaan
Aye dil hai..

Geeta:
(Bura duniya woh hai kehta aisa bhola tu na ban
Jo hai karta woh hai bharta hai yahan ka yeh chalan) -2
Tadbeer nahin chalne ki yahan
Yeh hai Bombay, yeh hai Bombay, yeh hai Bombay meri jaan

Rafi:
Aye dil hai mushkil jeena yahan
Zara hat ke zara bach ke, yeh hai Bombay meri jaan

Geeta:
Aye dil hai aasaa jeena yahan
Suno mister, suno bandhu, yeh hai Bombay meri jaan

Rafi:
Aye dil hai mushkil jeena yahan
Zara hat ke zara bach ke, yeh hai Bombay meri jaan

Advertisements

~ by Rajeev on June 12, 2007.

One Response to “Aye Dil Hai Mushkil”

  1. nice on yar

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: